農耕記 湖南土菜 (黃埔天地)

营业中

休息中

越嚟越多大陸餐廳開到嚟香港就算放假懶得同人迫過關 一樣可以食到啦朋友想食辣野 我地就揀左農耕記食湖南土菜其實佢嘅辣度都可以自選 我地多數揀小辣同中辣都夠晒惹味擂辣椒皮蛋呢個涼菜係成餐最辣嘅 會由職員幫手擂煎過嘅青椒茄子同皮蛋一齊食 開胃惹味湖藕龍骨湯好足料嘅靚湯 蓮藕煲到好粉 第一次食到咁腍咁粉嘅蓮藕 正呀鮑魚辣椒炒肉辣椒炒肉都算係招牌菜 我地叫左有鮑魚版原來啲鮑魚好似手指頭咁大 幾得意 都彈牙㗎小筍炒臘肉小筍清脆爽口 用有煙燻香味嘅臘肉嚟炒 幾香口招牌蝴蝶魚本身以為係酸菜魚嗰種嫩滑魚片咁但呢個好爽彈 好似脆肉鯇嗰種口感整體嚟講都唔錯 呢個菜系夠惹味 送飯一流