天天海南雞飯 (新城市廣場三期)

营业中

休息中

呢間印象中開左一段時間，不過都未食過。黎到就試佢招牌啦! 叫左個天天海南雞，仲叫左個雞油飯。海南雞好滑，無骨，份量都幾多，側邊係配有3款醬，有 新加坡黑醬油、辣椒醬同埋薑蓉，個人比較鐘意中間個辣椒醬，唔算好辣，但幾惹味。雞油飯好好食，真係每粒飯都有味，但又唔會太油。黑松露墨魚蝦多士咬落去個下已經好重黑松露味，炸到好酥脆，好好食，面仲有D沙律醬，木魚碎等等，口感就更加豐富了。本身以為泡菜大蠔餅係似大排檔個種，但原來唔係，個泡菜唔似平時韓國泡菜咁辣，酸味比較重，所以唔太食得辣都OK。個蠔餅仲炸得好靚仔，超級脆，蠔既量都好多，每夾一下都一定食到蠔，而且好好送飯。豆花恐龍美祿比一般飲到既冇咁甜，可能因為有豆花底，所以都幾鐘意。