影片
更多
2023-03-07
860 浏览
本人對海南雞飯情有獨鍾, 仲好記得好耐好耐以前香港啱啱興食星馬菜, 依類餐廳必定會有海南雞食, 最開心係配黃油飯, 到依家長大左我仲好記得第一次食黃油飯味道同口感, 相隔多年, 我竟然搵得返第一次食到既味道第一下真係被餐廳裝修吸引到係門口睇餐牌, 見到有海南雞飯食就毫不猶豫咁入去坐低左晚市套餐選擇雖然唔多, 但好幾款我都心動想叫黎食, 套餐有頭盤五選一, 再揀主食, 另外再送三選一指定飲品, 最後我都係揀左海南雞配雞油香飯配養生湯, 頭盤就揀左山椒炸雞粒, 飲品就另再錢叫左杯凍薄荷柚柚上菜速度都算快, 套餐用托盤盛住, 海南雞質感嫩滑帶油香, 完全一啲骨都無, 雞皮爽薄而不肥, 平時唔食雞皮既我都忍唔住肉連皮一口食, 點埋側邊個酸辣醬汁更加惹味開胃我個人覺得食海南雞最緊要係個雞油飯, 未食已經聞到陣陣乾蔥蒜香味, 油飯粒粒半透明兼夾分明, 口感煙刃, 油香味道濃而不膩, 同我好耐之前食既第一次味道一模一樣, 對我而言, 可算係正宗雞油飯的口感味道, 食完幾口海南雞仲可以食啖鮮沙律清一清個口, 真心好出色, 必定要encore!養生湯其實就係藥膳燉排骨湯既湯底, 內有兩粒小魚旦, 藥膳湯
第一下真係被餐廳裝修吸引到係門口睇餐牌, 見到有海南雞飯食就毫不猶豫咁入去坐低左
晚市套餐選擇雖然唔多, 但好幾款我都心動想叫黎食, 套餐有頭盤五選一, 再揀主食, 另外再送三選一指定飲品, 最後我都係揀左海南雞配雞油香飯配養生湯, 頭盤就揀左山椒炸雞粒, 飲品就另再錢叫左杯凍薄荷柚柚
上菜速度都算快, 套餐用托盤盛住, 海南雞質感嫩滑帶油香, 完全一啲骨都無, 雞皮爽薄而不肥, 平時唔食雞皮既我都忍唔住肉連皮一口食, 點埋側邊個酸辣醬汁更加惹味開胃
我個人覺得食海南雞最緊要係個雞油飯, 未食已經聞到陣陣乾蔥蒜香味, 油飯粒粒半透明兼夾分明, 口感煙刃, 油香味道濃而不膩, 同我好耐之前食既第一次味道一模一樣, 對我而言, 可算係正宗雞油飯的口感味道, 食完幾口海南雞仲可以食啖鮮沙律清一清個口, 真心好出色, 必定要encore!
養生湯其實就係藥膳燉排骨湯既湯底, 內有兩粒小魚旦, 藥膳湯飲落味道溫和, 唔會過份濃郁同嗆口, 飲完係覺得舒服
山椒炸雞粒炸得外皮微脆, 味道可以, 但略有點厚粉
而我朋友就叫左藥膳燉排骨湯配手作幼麵套餐, 頭盤揀麻辣蓮藕片, 飲品叫熱自家伯爵檸檬茶
排骨軟熟入味, 咬一口肉同骨已經好容易分離, 炆得好淋又唔會食落散哂, 湯面中仲有豆卜、魚旦等配料, 手作幼麵出奇地好食, 質感爽彈滑身, 完全唔會食落一口麵粉咁, 一啖湯一啖麵好滿足
麻辣蓮藕片賣相平平無奇, 估唔到食落驚喜萬分, 蓮藕切得薄身, 食落夠哂脆口, 麻辣味非常之香, 比一般食既麻辣唔同, 辣油味道較出, 雖然愈食愈辣, 但真係惹味到停唔到口, 必叫!
自家伯爵檸檬茶飲落好舒服, 伯爵味道都幾出, 凍薄荷柚柚既帶少許薄荷味, 柚柚味道酸甜開胃
整體覺得性價比高, 價錢唔算貴, 食物質素真係超乎我意料之外, 餐廳裝修都算坐得舒服, 值得再黎!
张贴
