BKK

喺PMQ行街，呢度d餐廳望落都幾decent。今晚食bkk。Pad See Ewad See Ew炒得剛剛好，同和牛，蔬菜一齊炒味道好平衡，好正宗。河粉彈牙滑身。大蝦柚子沙律就正常發揮。蟹肉煎蛋好食。蛋煎得鬆軟，配上大量蟹肉。味濃又香口。冬蔭功湯辣味十足，有一隻幾大嘅蝦、香菇同其他香料。呢道菜酸辣味道嘅平衡度非常出色。對於我呢d鍾意濃味嘅人黎講，個湯好夠味。椰子雪糕一上台嚇親，有3大球雪糕。雪糕質地滑順，好濃嘅椰味。仲有d椰子肉，粟米同花生平衡個甜味。野飲方面叫左椰青同coconut smoothie。smoothie超級好飲，係椰子水，芒果同斑斕打嘅smoothie，唔會太甜好fresh。價錢係中上，份量都唔少。