泰傳奇 (已結業)

今日帶囡囡去E-Max歡樂天地玩，順便係E-Max食埋晚飯，由九龍灣德福廣場坐接駁巴士好快到。好耐冇黎E-Max估唔到2樓開左好多餐廳。今日我地去左新開既泰傳奇食晚飯，餐廳餐牌超級多款選擇，真係花多眼亂，而且價錢合理泰國船麵湯配特色班藍麵-船麵有豬頸肉和炸豬皮，炸豬皮非常香口，湯底濃郁香甜，味道非常濃厚，沒有半點味精，喝罷不口渴，而特色班藍麵爽口彈牙，係香港比較少見用班藍麵，每日限量供應架。泰傳奇金磚包-未食已聞到好香蒜蓉味，金磚包外脆內軟，蒜蓉味濃郁，記住要襯熱食。馬拉盞炒菜心苗-馬拉盞炒菜心苗鹹香可口，好有鑊氣，菜心苗軟硬適中，咸味沒有過火，而且有好多蝦米，好惹味