黃珍珍泰國菜館 (已結業)

今日上完韓文之後，就覺得有啲肚餓。我就約咗個朋友喺附近度食埋飯。我哋揀咗食泰國菜，去咗呢一間黃珍珍餐廳。呢度裝修都好有泰國嘅風味，而且地方又夠大，因為佢係用晒一層來做餐廳嘅，所以坐得好舒服。喺泰國菜方面我最鍾意就係食炒蟹，難得我呢幾個朋友又鍾意食海鮮，所以我哋就叫左一隻咖喱炒蟹，同埋一碗河粉等等...等左一陣終於嚟啦個咖喱炒蟹，已經聞到佢嘅香味。佢嘅咖喱味辣辣地咁好開胃，而且仲好入味添。最令我哋估唔到嘅事呢隻蟹咁多肉，名副其實嘅啖啖肉我哋仲叫咗個生牛肉湯河粉，個湯底味道整得好鮮，牛肉又夠晒軟熟，河粉好滑，所以成個都好配合。