冬蔭NOODLE (已結業)

今日突然間想食泰國菜，喺尖沙咀選擇好似唔係好多，有嘅都要排好耐隊。行過加連威老道，the one 對面馬路有一間泰國菜，應該新開冇幾耐，又見到唔使排隊就去試吓啦。入到同一般嘅泰國餐廳感覺餐好遠，呢度比較時尚，坐得非常之舒適。食物方面，點左:泰式炒金邊粉- 食親泰國菜都必食嘅，呢度嘅炒金邊粉味道適中，配料充足，酸酸甜甜非常開胃。泰式燒雞半隻- 店員介紹呢個係招牌菜，要等15至20分鐘，燒雞嚟到，香味撲鼻，燒完嘅雞鎖住晒肉汁，食落好juicy 鐵板蠔仔蛋- 第一次去泰國餐廳有蠔仔蛋食，但厚厚嘅蛋包住蠔仔，煎得非常香，好食！無骨海南雞飯- 雞肉滑嫩，雞肉同雞皮之間唔會有多餘嘅脂肪，配埋個油飯，色香味俱全泰式小食拼盤- 有春卷，魚餅，蝦餅，雞翼。魚餅蝦餅有質感，彈牙爽口。