好意泰國餐廳 (已結業)

之前摸門釘去左觀塘熟食中心，得知原來私房店老闆轉左手去康寧道64號。慣常我係海南雞控，下午一黎就試碟淨半隻海南雞。一食原來係新鮮雞，肉質有咬口，啖啖雞香，加埋個秘制汁，有少少豆瓣醬酸甜醬，咸甜酸辣好平均，帶岀雞油香😛💯，響香港食過咁多間都所謂米芝連都冇呢間好食。連打底生菜都好新鮮脆卜卜。之後我另外再叫多個芒果糯米飯，個椰汁調左少少咸味，剛好吊到糯米飯、椰奶同芒果甜香，層次分明。總之極力推介，下次會再去試個晚飯小菜！