Oui Oui Bistro (已結業)

係同事口中得知長沙灣有一間正宗法國菜的餐廳，所以遠道而來，一嘗佢地既美食。首先，我叫了個 Lamb cutlet risotto, 一到我就俾碟邊既黃色的醬汁吸引，食落酸酸甜甜，之後問老細先知係自家用上黃梅打造而成，而且羊仔脾非常嫩肉可口，入口非常有羊肉鮮味，再加上用上忌廉打造的意大利飯，兩者一齊享用令口腔有一種身在法國的感覺。之後，我再點了一個 Alaska egg Benedict,!一上菜成個菜式簡直就像藝術一樣，真係唔捨得食，聽講雞蛋係用上正宗北海道而做成,除了有濃香的蛋味外，還有芝士味道。加上，用上阿拉斯加蟹肉拆造而成，食落非常新鮮可口，有別於日本的松板蟹肉。最後，我點了一客Turban De Pommes Alanans, 即係蘋果菠蘿批，食落既時候有一陣肉桂的香味，相信在批入面加入了肉桂而造，師傅將菠蘿肉打爛再在外圍上鋪上蘋果切片，令到菠蘿吸收了蘋果的果香，老細話佢地跟足法國製造，係出面好難再食得到。總括來說，在長沙灣可以食到如始正宗的法國菜係非常難得，相信日後有再新的菜式再必定一嘗。