本來想去 food court 搵食，點知喺地庫轉角位見到新開左間「日日香鵝肉飯店」。
之前喺中環分店買過外賣，鵝肉水準唔錯，肉質鮮嫩軟腍，配上秘製滷水汁，鵝味更為突出。反正未試過堂食，一於坐低慢慢歎。
飯店裝潢簡樸清雅，座位間隔寬敞，坐得十分舒服。
點左個滷水雙拼飯 ($80)、鵝掌翼 ($128)、菜遠湯米 ($22)、熱奶茶 (跟餐) 同 柚子蜜 ($18)。
雙拼飯可於鵝肉、鵝腎、鵝腸、墨魚、紅腸…..中任選兩款，揀咗豬手同腩肉，豬手滷得相當入味，外皮爽彈，肉質軟腍，咬下啖啖肉，非常滋味。
腩肉食味亦一流，沒過份油膩的感覺，具咬勁之餘，又腍滑惹味。米飯軟硬適中，配埋滷蛋，酸中帶微辣的潮式咸酸菜、菜心等一起吃，口感很豐富。
鵝掌翼包兩掌一翼，鵝掌肥大、皮厚而軟，味道鮮嫩有嚼勁；而鵝翼品質亦甚佳，骨肉相連，入口肉滑汁香，用來配柔韌富彈性的米粉吃，滋味無窮。
套餐奉送咖啡或茶，奶茶熱度十足，入口香濃幼滑；另外散點的柚子蜜，味道亦唔錯，入口暖笠笠，健康得嚟又解膩。
