喺門口已經聞到螺絲粉嗰陣獨特嘅香味，我就好鍾意啦！
我今日食嗦螺螄螺絲湯粉$48➕螺絲螄全餐$38➕炸腐竹$15配BB辣
螺絲粉以小鐵盤上，並伴以香辣酸筍、炸花生、炸支竹、酸豆角、木耳絲、炸鍋肉、爆炒田螺、蔬菜我選通菜。滿滿的一盤，非常材料豐富，再加上螺絲螄全餐的🌸招牌炸蛋🌸或、 鹵辣虎皮🐖豬手、辣滷虎皮🦆鴨掌、炸鍋肉、豆腐串、田螺。堆到成個小山咁，視覺上已經滿足。先食一啖粉， 小小辣再加清甜嘅湯底層次豐富，鮮筍加上螺，味道一流。
🍓🍓🍓而我個人覺得食螺絲粉最重要一樣嘢就要配埋炸蛋食， 炸蛋索曬啲湯汁， 將所有鮮味集中喺個蛋入面, 一口咬落去又鮮味又有蛋味，正👍👍👍鹵虎皮辣🦆鴨掌又入味又淋，一入口就脫骨🤩🤩鹵虎皮辣🐖豬手入口就是滿滿的骨膠原， 入口軟糯💕連骨都可以咬。
朋友就要一個嗦螺螄爆炒田螺撈螺絲粉$53配BB辣
都係用小鐵盤上，見到螺絲粉上面鋪有秘製炒螺醬、炸花生、香辣酸筍、酸豆角、木耳絲、炸鍋肉、爆炒田螺， 仲配有一碗湯汁。 建議大家先撈一撈，首先食一啖螺醬嘅鮮，再加湯汁。呢個食法都幾新鮮 🌞
螺螄粉全部都可以選擇bb辣、小辣、中辣、大辣或者🥶變態辣🥶
估唔到以螺絲粉做主打嘅店估唔到佢嘅炸魷魚$25都咁好食， 炸漿好薄，食到最後魷魚依然係脆卜卜好鬼香。⭐⭐⭐
喺香港真係難得一見的💯正宗柳州螺螄粉， 全場爆滿，而且仲要係唔少嘅學生都嚟食，思鄉嘅你哋記得嚟嗦粉啦！😇😇😇
