影片
更多
2016-10-13
1034 浏览
九層既海鮮鍋就試過,今次就約左朋友試下真正既蒸氣鍋散叫太多選擇啦,而且我地得2條友,所以最後決定叫套餐A每位$398.另外LIKE 佢地FB再送沙白蜆5隻食海鮮點都叫返枝啤酒黎飲下....鑽石蜆,花蛤皇&沙白蜆:全都好新鮮,一D沙都無,肉質肥大鮮甜, 口感彈牙,唔洗加任何醬汁就已經夠晒咸味,真係無得彈.黑松露蒸元貝:一大PAT黑松露醬,一食陣陣黑松露味湧上來,配埋大大粒既鮮甜元貝,令到整體既口感層次更加豐富,底層仲有粉絲,吸收晒元貝汁同黑松露醬,非常滋味.波士頓龍蝦:開半龍蝦一上碟就見到蝦膏滿瀉,蝦身肉質結實爽脆而且帶點甜味,除此之外龍蝦味都好濃郁,蝦鉗比較薄身,肉質軟腍,都唔錯.珠江奄仔蟹:奄仔蟹重要既係食其蟹膏,蟹膏多到流晒出黎,而蟹肉雖然唔係多,不過肉質鮮甜緊致,清蒸原汁原味,味道鮮甜,唔洗加任何醬汁已經齒頰留香.貴妃蚌:肉質鮮美既貴妃蚌配上香濃既芝士醬,比一般食既更加特別同滋味,而底層既金菇吸收晒鮮甜既貴妃蚌汁拌埋芝士醬食更加惹味.怪味禾豚肉:豚肉上放左自家製既醬, 味道似沙爹醬加烏梅,好特別,而䐁肉肉質軟腍,配上自家製既醬,食落一D都唔肥膩,愈食愈惹味.任選時菜:我地揀左菜心
散叫太多選擇啦,而且我地得2條友,所以最後決定叫套餐A每位$398.
另外LIKE 佢地FB再送沙白蜆5隻
食海鮮點都叫返枝啤酒黎飲下....
鑽石蜆,花蛤皇&沙白蜆:全都好新鮮,一D沙都無,肉質肥大鮮甜, 口感彈牙,唔洗加任何醬汁就已經夠晒咸味,真係無得彈.
黑松露蒸元貝:一大PAT黑松露醬,一食陣陣黑松露味湧上來,配埋大大粒既鮮甜元貝,令到整體既口感層次更加豐富,底層仲有粉絲,吸收晒元貝汁同黑松露醬,非常滋味.
波士頓龍蝦:開半龍蝦一上碟就見到蝦膏滿瀉,蝦身肉質結實爽脆而且帶點甜味,除此之外龍蝦味都好濃郁,蝦鉗比較薄身,肉質軟腍,都唔錯.
珠江奄仔蟹:奄仔蟹重要既係食其蟹膏,蟹膏多到流晒出黎,而蟹肉雖然唔係多,不過肉質鮮甜緊致,清蒸原汁原味,味道鮮甜,唔洗加任何醬汁已經齒頰留香.
貴妃蚌:肉質鮮美既貴妃蚌配上香濃既芝士醬,比一般食既更加特別同滋味,而底層既金菇吸收晒鮮甜既貴妃蚌汁拌埋芝士醬食更加惹味.
怪味禾豚肉:豚肉上放左自家製既醬, 味道似沙爹醬加烏梅,好特別,而䐁肉肉質軟腍,配上自家製既醬,食落一D都唔肥膩,愈食愈惹味.
任選時菜:我地揀左菜心,份量都正常,蒸到岩岩好,好翠綠,食落仲好爽甜.
南瓜豬筒骨粥:終於食到最後既南瓜豬筒骨粥,一打開蒸架,就見到原先既南瓜已溶入粥裡面,海鮮既精華完全混入其中,再加入蔥花,芫茜,頭菜,更增添香味同口感,好快就俾我同朋友食到見底
贈送生果:食到勁飽之後再食多汁西瓜,唔錯既飯後果,不過唔知係咪唔當做,因為個西瓜一D都唔甜.
题外话/补充资料：
服務真係相當好,除左幫我地蒸每道菜之外,仲好勤快咁幫我地換碟,仲會細心地留意我地進食進度去蒸,值得一讚
(以上食记乃用户个人意见 , 并不代表OpenRice之观点。)
张贴
