海家。酸菜魚 (已結業)

夜晚同朋友食飯，無意中發現呢間特色小店，見到招牌菜係酸菜魚，就決定入店一試😆竟然驚喜滿滿！二百幾蚊一大盆酸菜魚，配料超豐富，除咗有芽菜、薯仔、竹筍呢啲經典配菜，店家仲特別加入左薯粉同蓮藕，而魚片都好滑同無骨，同行加埋四個人，呢個分量，絕對夠食有餘😎😎😎同埋佢唔似普通嘅酸菜魚，佢比起普通酸菜魚有過之而無不及，而且辣嘅程度可以因人而異，有分微辣、小辣、大辣，加上店員服務態度好誠懇，真係好好！我返到屋企之後推薦晒比全部朋友，希望下次有機會可以再去😍