爆汗串串 (已結業)

睇食評知道旺角有間食麻辣串串嘅店舖-爆汗串串，就特登去試佢哋嘅放題，因為香港都冇乜地方有麻辣串串食，而且仲係放題，一去到見到個menu有好多唔同花款嘅串串揀，有港式嘅亦都有啲係成都特色嘅，咁我哋就差唔多每款都叫晒，等咗大概10分鐘左右就有一大盤串串浸住熱辣辣嘅麻辣湯底端上黎，每樣都好好味好有麻辣嘅感覺， 爆汗小食就叫咗無骨鳳爪，棒棒雞，同埋千層肚，三樣都好入味都一定要試，而且有一個叫成都老冰粉嘅甜品好特別，有話梅碎，亦都有解辣嘅作用，大家記得要試埋。提一提大家，佢哋放題分三個時段，17:15-19:15($128)， 19:30-21:30($168)，21:30-02:00($128)每個時段兩小時，而且每位加30蚊可以任飲啤酒汽水，大家可以因應個時段嚟試啦!