爆汗串串 (已結業)

平時去旺角煙廠街都係搵甜品食，今日同朋友行到街尾見到呢間新開，門口招牌係好鮮艷的黃色的爆汗串串，就入來試下有幾辣。餐廳入面有幾張細檯，裝修簡約新淨。餐廳的食材同辣料都係從成都運來，製法同味道都照足成都的，十分正宗。爆汗牛肉麵，$38, 揀咗BB 辣，轉紅薯粉，辣度好足，濃郁而帶有香甜麻辣味，牛肉軟稔，紅薯粉係寛條的，煙韌有嚼勁，吸收晒辣湯的精華。辣串串，$78有五款，每款有三串，我地揀咗萵苣，魷魚，魔芋，墨魚丸，鴨舌，辣而入味，爽口香脆，特別係鴨舌，一啖咬落嫩滑，香味散發。乾碟同香油碟，可以用來沾串串食，乾碟會帶出香辣味，香油碟可以解辣。成都煮法的滷水掌翼，軟稔入味，肉味香甜美味。冰粉，甜品，香甜爽滑，可以解辣。燈膽形狀的豆漿，外形可愛，入口清甜。