成都老碼頭火鍋 (已結業)

趁朋友得閒,又好想打邊爐，咁啱諗起之前有食開嘅老碼頭火鍋，梗係即刻衝入去啦！好彩有位咋。一開門已經聞到好香嘅麻辣火鍋味，因為見到個胡椒豬骨好吸引又好似未食過，咁就叫咗一個成都口味火鍋湯底同埋胡椒豬桶骨湯底，一嚟到好多豬骨一滾嘅時候啲胡椒味即刻索咗入個鼻香到不得了，啲豬骨筒入邊仲有勁多骨髓，正😄最鍾意老碼頭就係啲汁汁醬醬D配料堅係多！另外最有驚喜嘅就係鹹蛋流沙魚蛋丸，一咬開啲鹹蛋黃就即刻流晒出嚟，魚蛋嘅皮仲要係好彈口我同朋友每日食兩粒都覺得唔夠喉，另外個芝士小籠包都非常之有驚喜，因為出邊嗰啲全部都係菜肉嘅餡，第一次食流心芝士❤因為食麻辣火鍋嘅關係一定要飲一啲清熱去濕又滋潤嘅嘢，叫咗我哋最愛嘅龍眼菊花蜜，真係好好飲好明顯見到入邊係好多龍眼肉。珊瑚蚌好新鮮又爽口😚油炸鬼配墨魚膠 兩層口感 油炸鬼吸曬湯底嘅香味 加埋墨魚膠嘅彈牙口感 簡直是絕配我同我朋友都食到捧住個肚走，麻辣火鍋湯底正宗冇得輸保持到水準，但係最驚喜係個胡椒豬骨湯底下次等我再試埋其他唔同嘅先。