成都老碼頭火鍋 (已結業)

正宗成都風味麻辣火鍋，香港少見，朋友非常喜歡食辣，所以陪佢試咗依間，叫咗個鴛鴦鍋成都麻辣火鍋（小辣），再揀咗花膠雞煲做湯底，我自己就鍾意花膠雞煲多啲，有¼隻雞，差唔多四舊花膠，同埋好多竹笙，仲有類似碗仔翅嗰隻粉絲，就咁食個湯底都好食。打埋邊爐就更加正，叫咗安格斯肥牛、冬瓜、油麥菜、豆腐卜串、雞件等.瓜蔬類襯花膠雞湯底勁夾，冬瓜煮得入曬味，索曬湯勁正。個秘製醬汁係必點！豆腐卜串就襯麻辣湯索汁。鋪頭走高檔火鍋路線，整體質素都高，環境又靚，最欣賞仲有部7秒除臭機，等打完邊爐的客人可以除味，非常貼心：