Tiramisu' Lab (已結業)

今日去到中環呢一邊行街shopping, 行到去中環街市就見到呢一間正宗意大利嘅tiramisu lab! 咁啱朋友話今晚去我度打牌，所以就決定買幾件返去，今晚大家一齊share! 餐廳位於中環街市一樓，側邊都有幾個位，如果鍾意坐喺度食嘅朋友都可以即刻食！我哋平時都唔係成日食tiramisu, 就決定叫店員幫我哋揀三件！我哋最後揀咗一件開心果，一件芒果，同埋一件傳統原味嘅tiramisu 價錢嚟講亦都唔算係太貴，每一件平均都係大約$50，如果係呢一個質素嚟講，我哋都覺得非常超值！首先想推介佢傳統味道，一打開已經有好香嘅咖啡酒香，個面就有充滿可可粉，口感配搭上非常香濃，但係亦都唔會有太甜，口感亦非常之輕爽！內餡跟蛋糕口感軟軟滑滑，同朋友忍唔住食完一啖又一啖！開心果味都非常特別，充滿開心果嘅香味，再加埋有少少wipe cream, 增加咗成個蛋糕嘅口感！食完呢一啲蛋糕都唔會有太漏嘅感覺，我同朋友都非常鍾意！每一件蛋糕都口感層次分明，芒果亦都非常甜，口感配搭上唔錯！有機會會再返嚟幫襯、外賣甜品，簡直係一流