影片
更多
2022-03-22
82 浏览
餐廳：TRIBES (尖沙咀)地址：尖沙咀金馬倫道22-24號東麗中心2樓唔知你有無試過正宗嘅巴基斯坦食物呢🇵🇰？最近去咗尖沙咀呢間中東菜餐廳TRIBES @tribeshk ，按照普什圖人嘅傳統去烹調地道嘅巴基斯坦同印度菜式，如果去過阿富汗、巴基斯坦等中東地方就知道嗰邊啲食物同我哋熟悉嘅印度菜好類似🇮🇳，只喺做法上有少少差別，鍾意試多國菜式嘅人不妨嚟呢度細味一吓佢哋之間嘅分別同特色😎餐廳有兩個大廚，一個喺巴基斯坦人，另一個喺印度人👨🏾🍳，完美咁將最正宗嘅當地菜呈現喺食客面前😋餐廳好多嘅佈置、裝飾、餐具都喺嚟自巴基斯坦，有啲香港都買唔到，一行入餐廳已經感覺到好有特色風格，就好似入咗異國他鄉咁，確實別有一番風味👍✝️Chicken Biryani $128印度常見嘅雞肉香料飯，仲有羊肉香飯可以揀，入面加咗各式各樣嘅印度香料同酸奶或者乳酪🥛，一般常見嘅香料例如丁香、胡荽、綠豆蔻、檸檬🍋、香草等，為咗令香飯呈現吸睛嘅金黃色，仲會加入薑黃或者番紅花等天然食用色素。裡面仲有隻嫩滑雞髀🍗，唔好睇佢細細兜，兩個人share嚟食就啱啱好✝️Chicken Karahi (half) $150超濃味嘅雞肉
地址：尖沙咀金馬倫道22-24號東麗中心2樓
唔知你有無試過正宗嘅巴基斯坦食物呢🇵🇰？最近去咗尖沙咀呢間中東菜餐廳TRIBES @tribeshk ，按照普什圖人嘅傳統去烹調地道嘅巴基斯坦同印度菜式，如果去過阿富汗、巴基斯坦等中東地方就知道嗰邊啲食物同我哋熟悉嘅印度菜好類似🇮🇳，只喺做法上有少少差別，鍾意試多國菜式嘅人不妨嚟呢度細味一吓佢哋之間嘅分別同特色😎
餐廳有兩個大廚，一個喺巴基斯坦人，另一個喺印度人👨🏾🍳，完美咁將最正宗嘅當地菜呈現喺食客面前😋
餐廳好多嘅佈置、裝飾、餐具都喺嚟自巴基斯坦，
有啲香港都買唔到，
一行入餐廳已經感覺到好有特色風格，就好似入咗異國他鄉咁，確實別有一番風味👍
✝️Chicken Biryani $128
印度常見嘅雞肉香料飯，仲有羊肉香飯可以揀，
入面加咗各式各樣嘅印度香料同酸奶或者乳酪🥛，一般常見嘅香料例如丁香、胡荽、綠豆蔻、檸檬🍋、香草等，為咗令香飯呈現吸睛嘅金黃色，仲會加入薑黃或者番紅花等天然食用色素。
裡面仲有隻嫩滑雞髀🍗，唔好睇佢細細兜，兩個人share嚟食就啱啱好
✝️Chicken Karahi (half) $150
超濃味嘅雞肉咖喱🍛，半份連骨雞肉有7-8舊，份量唔算多，價錢相對較貴，不過貴就貴在製作過程同用料嘅講究性。
加咗特色辣椒同調味🌶️，香中帶辣，隱約有少少麻嘅感覺，食辣超惹味，雞肉肉質就正常發揮唔太特別。呢道用karahi（炒鍋）佢整嘅雞肉配埋naan、roti呢類餅一齊食最適合不過😍
✝️Sada Roti $28
Roti喺一般印度家庭最常食嘅主食🫓，圓形嘅薄餅好似平時食開中size嘅pizza大小，以麵粉加水同鹽搓完焗製成烤餅，咬落薄軟而易消化，夾住啱啱嘅Chicken Karahi嚟食簡直喺Perfect match😆
✝️Kalwanji Naan $38
可以話喺印度最出名嘅麵餅，將發酵過嘅麵團放入tandoor 烤爐（用黏土製成嘅圓桶狀烤爐，再以木柴或者炭去燒烤）裏面烤焗，烤完拎出嚟就可以直接食，口感較Roti為彈牙，麵餅亦有層次感，一般用料較多，包括發酵麵粉、雞蛋、牛奶、酵母、油、鹽同糖等多種材料，而我叫嘅呢個Naan仲加咗黑芝麻，所以價錢會比Roti貴少少🤏
张贴
