麻辣風雲 (荃碧大廈) (已結業)

因為疫情關係，好多朋友都少咗見面。難得可以約吓吹下水，咁就約咗荃灣呢間舊時係酒樓，宜家係吃川菜嘅『麻辣風雲』。貪佢地方大坐得舒服，傾得開心。首先來二個涼菜，分别係『涼拌皮蛋』和『涼伴雞腎』，再嗌咗『椰汁冰』和芒果特爽』一邊飲一邊吹水等主菜到。涼菜够哂四川風味，微辣，而川菜館少見的椰汁冰，椰味十足超好飲，朋友話芒果特爽亦唔錯。主菜『香辣海鮮鍋』够大煲，材料有勁多膏嘅大膏蟹，有彈牙的鮑魚，有鮮甜的大蝦和大蜆，又有椰菜花，色，香，味俱全，正。我比較鍾意海鮮，所以叫多咗個『川味炒大蜆』慢慢嘆。『清炒清笋絲』果然係清清爽爽好好食，雖然有辣椒，但一啲都唔辣，中和番主菜的辣味，非常之好。