川婆婆 (寶勒巷) (已結業)

天口咁熱，成日飲凍野，係時候要食番d麻辣野迫下d汗出黎，所以今次就到川婆婆一食佢地出名既麻辣食物驅一驅濕氣。牛牛大拼盤 （$268）：手切本地牛頸脊：牛頸凔不但肉與爽滑，而且入口牛咪濃郁，由於出自本地農場，所以牛肉味更加香，加上脂肪比例適中，所以食落唔會太肥。手切安格斯：由於手切唔同機切，食落厚到適中，加上係正宗安格斯牛肉，入口不但即溶，而且牛味濃香，實在係必食之首。牛利：牛利不但爽脆，而且切得很薄，食落唔會太硬，加上用上本地牛，牛利更為入口，加上麻辣湯底，完全將牛利的味道迫出。牛胸爽：牛胸爽食落可以話係啖啖肉，因為牛胸爽的肉質係最軟滑，個個人識食都會叫黎食，加上每隻牛得很少，所以特別要食。牛黃喉：食落同食軟骨一樣，用黎送啤酒一絕之食物，加上麻辣醬汁滲入牛黃喉，食落脆爽彈牙，加上軟骨又有骨膠原，係牛肉中的花膠。熱帶果之戀（38）：用上菠蘿，芒果，香蕉打做而成的沙冰，係食麻辣野不可缺少的飲料，不但有著濃香的芒果味，而且菠蘿的甜味亦都十足，用來解渴實在一流。總括來說，這裡食物品質不但高，而且價錢又合適，實在係喜歡食麻辣的朋友之選。