椒椒相見 (興發街) (已結業)

早排同事先講完中環西環天后新開左呢間椒椒相見，咁啱同朋友約附近就一於試下呢間新川菜～ 估唔到夠晒正宗 最正係menu有超多選擇！餐單分左多個類別，有川式乾鍋、涼拌小菜、風味小炒、辣子、水煮、酸菜及泡椒系列等🌶️朋友未到齊所以叫左份雞絲粉皮($68)頭盤食住等，每樣材料份量剛剛好 唔會話太多粉皮完全冇雞絲青瓜絲，材料夠新鮮，而且麻醬都調教得唔錯 唔會好糊口👍🏻主菜我地糾結左好耐試水煮魚定酸菜魚($248)，有朋友唔算好食得辣 所以最後揀左酸菜魚🐟 果然冇揀錯 統一辣度 食落好舒服 唔會好辛苦個隻🫣 湯底用魚、雞、豬骨熬製8個鐘以上 夠晒鮮味，再加入野山椒等熬製而成，湯底微辣微酸 好醒胃😆而魚方面選用左新鮮鯛魚片，肉質偏爽脆 有香濃魚味，大家都食到停唔到口。自帶配料都有好多，包括芽菜、萵筍、酸菜、木耳、仲有入晒味既寬粉 超級惹味😍唔夠喉既我地都試埋個正宗乾鍋！自選鍋底揀左香辣味既小辣，跟住再自由選擇配料：雞軟骨$33、牛肉片$39、雲南花菜$27、萵筍$29，全部都煸炒得超級入味🤪 望住個鍋以為得辣椒，menu都有寫原來有成九款基本香料：孜然、花椒、乾椒、八角、丁香、桂皮、甘松、草果、三奈，