三希樓 (已結業)

有朋友黎香港玩，又鐘意食辣野，見到OpenRice 好多人介紹呢間三希樓川菜，有火鍋🍲，點心，好多選擇，就決定帶朋友黎試下。呢到環境好靚，好舒服，火鍋同小菜區分開，唔會好嘈。一坐底就有野食，拍青瓜同涼拌海帶，好開胃啊我地選擇點小菜。因為朋友想食酸菜魚，而且心思思想食燒鵝。 我自己就再點清炒萵荀同埋四川擔擔麵。酸菜魚，用桂花魚片🐟，好滑，酸辣味道適中，唔會得辣味，魚湯味好濃，唔腥。連朋友都話味道好正宗四川😂燒鵝义燒雙拼，燒鵝皮係脆既，义燒半肥瘦，好林好好食呀！😜清炒萵筍絲，炒得好有獲氣，好爽口，清甜。四川擔擔面，比較精緻😂最鐘意就係果種花生猪肉碎香味，辣味岩岩好，好惹味。朋友都話冇介紹錯、佢話下次佢都會帶朋友黎食😆😆