麻辣風雲 (荃碧大廈) (已結業)

買即食包返屋企煮都唔夠去舖頭食咁過癮🤓🤓前排屋企網購儲糧買咗一堆川菜Meal Kits 諗住自己係屋企都可以過下辣嘢嘅口癮 不過煮到出嚟都係差少少咁🫢🫢 所以一於疫情放鬆返少少搵間餐廳即食！屋企一pack過嘅好多時好難控制酸度同辣度 多數都係固定咗 所以有時會唔夠味 有時會過酸過辣😢好欣賞麻辣風雲佢有得自己揀返酸度辣度 可以確保啱口味🤩🤩上到枱嘅香氣已經好唔同 賣相勁度吸晴加上又好大碗 魚片嘅數量都有唔少 原本以為食唔晒 點知食食下唔覺意都清晒🤫🤫🤫🤤難得出街食飯就叫多咗兩個小食分別係雞絲粉皮同辣子豆腐🌶雞絲粉皮配麻醬係經典組合 平衡返油膩感最佳食品🤞🏻豆腐粒粒亦係新鮮熱辣炸起💓💓