老川皇

营业中

休息中

太耐冇同老豆出街食飯了，我知老豆最愛食魚，今晚特別等佢放工，同佢去旺角食酸菜魚， 老豆聽到不知幾 happy 。今次第一次同老豆來到老川皇食飯整體感覺唔錯味道好正宗， 我們食酸菜魚， 燒茄子，燒雞翼和蔥爆牛肉。首先講講主角酸菜魚， 味道可選微辣，中辣，特辣，我們就緊係食微辣啦， 魚片帶點骨， 湯底味道入口先酸後辣，呢個湯拌飯食一流， 魚片份量都多。 之後食茄子和雞翼， 剛燒好送上來香氣撲鼻食落都惹味， 茄子上大量蒜，岩哂我和老豆，因我們都係愛食蒜之人。最後蔥爆牛肉， 大量京蔥去炒牛肉，牛肉夠鮮嫩唔錯。