阿木台灣麵 (廣華街) (已結業)

今日同朋友去附近整頭，經過呢間台式餐廳門口，見入邊幾多人食緊野，入去試下。餐廳老闆娘係台灣人，可能因為係咁樣，食物都幾正宗台灣嘅味道。佢地個滷肉飯都好好味啊！有超多汁撈飯，飯嘅份量有好多，啲肉整到好林，入口即溶！我地點左紅燒牛肉麵，湯底幾濃郁，唔會太鹹，牛肉好嫩身！超推介！小食我地叫左芝士肉鬆蛋餅，超多肉鬆，再加埋芝士，真係超邪惡！台式炸大腸都整得好好食，外脆內軟，超香脆！開埋個酸酸地嘅醬汁超開胃！佢哋自家製嘅辣椒醬，係麻辣嘅味道，試咗個醬超香，所以都買咗樽返屋企。