影片
更多
2018-04-27
67 浏览
每年我同中學同學都會聚會一次，今年有中學同學話唔想去酒樓食，因中菜菜式食到悶，又有中學同學話唔想食西餐，因西餐大多坐長枱，各自各食，好無交流。為滿足各中學同學既要求，我喺openrice找到一間台灣菜館，名叫圓山台灣料理，位於尖沙咀，地點方便，全部中學同學知道後紛紛舉手贊成。相約當天，我哋一行六人浩浩蕩蕩一同前往圓山台灣料理， 由於我哋到達時間尚早，客人未算多，但相隔半個鐘後，已坐滿整個菜館了。所有中學同學都讚賞這裏裝修華麗，又整潔，尤其我哋坐於有一個半屏風遮擋嘅圓檯位置，好有私人空間，我哋六個女仔傾談時，完全無須擔心騷擾到其他客人。大家看餐牌時也非常雀躍，每一道菜式都好吸引又特別， 最後我哋決定叫個四人套餐及散叫兩個餸加一個懷舊馬拉糕。四人套餐($788)，菜式有:1. 拼盤(鹽水鴨、蠔油生腸、麻辣鴨舌) ~ 作為開胃菜，做得好出色。鹽水鴨略大鹹味，肉質鮮嫩美味 ; 蠔油生腸爽脆，完全冇腥味 ; 麻辣鴨舌，微微辣味而帶有濃濃嘅香料氣息，令人胃口大開，送酒一流。2. 基隆花枝羹 ~ 羹頭透有微微嘅海鮮香氣，味道酸酸的，而花枝羹有彈牙口感，一吃覺得新鮮極了。3. 阿里山桂竹筍 ~ 五花肉
相約當天，我哋一行六人浩浩蕩蕩一同前往圓山台灣料理， 由於我哋到達時間尚早，客人未算多，但相隔半個鐘後，已坐滿整個菜館了。
所有中學同學都讚賞這裏裝修華麗，又整潔，尤其我哋坐於有一個半屏風遮擋嘅圓檯位置，好有私人空間，我哋六個女仔傾談時，完全無須擔心騷擾到其他客人。
大家看餐牌時也非常雀躍，每一道菜式都好吸引又特別， 最後我哋決定叫個四人套餐及散叫兩個餸加一個懷舊馬拉糕。
四人套餐($788)，菜式有:
1. 拼盤(鹽水鴨、蠔油生腸、麻辣鴨舌) ~ 作為開胃菜，做得好出色。鹽水鴨略大鹹味，肉質鮮嫩美味 ; 蠔油生腸爽脆，完全冇腥味 ; 麻辣鴨舌，微微辣味而帶有濃濃嘅香料氣息，令人胃口大開，送酒一流。
2. 基隆花枝羹 ~ 羹頭透有微微嘅海鮮香氣，味道酸酸的，而花枝羹有彈牙口感，一吃覺得新鮮極了。
3. 阿里山桂竹筍 ~ 五花肉條入口即化，桂竹筍吸飽了肉汁，溫潤爽口，可說是絕配。
4 . 台灣滷肉 ~ 雖然好邪惡，但真的超美味，五花肉肉質鬆化，甘香美味，醬汁令人垂涎三尺。
5. 台式蚵仔煎 ~ 外層粉漿有焦酥口感，當蚵仔一咬破，清鹹鮮甜席捲口腔，帶出完美結局。
6. 台灣炒A菜 ~ A菜幼嫩， 口感爽脆。
7. 台式黃花魚#五味蒜片烹調(可選烹調方式 : 豆辦、五味蒜片、豆酥) ~ 菜館部長特別推介，果然好介紹 ，魚皮炸得金香脆口，魚肉鮮嫩多汁，加上蒜香，令人回味無窮。
8. 擔仔麵及肉燥飯 :
擔仔麵 ~ 高湯鮮甜滋味，肉燥香噴噴。
肉燥飯 ~ 聞味香，白飯上淋上燉煮碎豬肉及醬油滷汁，入口即融，啖啖回味。
散叫菜式 :
花雕蒸海中蝦(推廣價$238) ~ 帶有陣陣花雕酒香，與鮮甜蝦肉一同入口，令到味道更有層次，齒頰留香。
蜜桃咕嚕黑豚肉($128) ~ 黑豚肉外層炸得香脆，肉質鬆化又多汁，加上有蜜桃同菠蘿，酸酸甜甜， 食到舐舐脷。
懷舊馬拉糕($35) ~ 軟熟、鬆軟、富蛋香，香甜好吃。
除了食物好味道外，菜館侍應上上下下都服務周到，待客有禮，令大家都食得好開心及好滿足。
张贴
