九份飽 (黃埔新邨佳富樓)

营业中

休息中

話說好一段時間無去台灣旅行，呢晚突然好掛住台灣美食，於是約埋朋友去九份飽食台灣菜。滷味拼盤 - 拼盤有豆腐、豬耳、雞蛋及雞翼，每款都滷得好入味。肉鬆起司蛋餅 - 蛋餅外皮有少少咬口，同時亦食到蛋香，加埋肉鬆同起司，味道更豐富，醬汁調味亦恰到好處。懷舊魯肉飯(大) - 魯肉飯唔會過甜或過咸，豬肉入味之餘，但又唔會柴，整碗飯充滿油香，好好味。香酥排骨飯 - 排骨炸得酥脆，肉質鬆軟，加上少少孜然味，好惹味。鹽酥雞 - 鹽酥雞炸皮薄脆，食落好juicy，呢個食完一啖再接一啖。酥炸魷魚 - 魷魚炸皮同樣薄脆，肉質爽彈，又係食到停唔到口。QQ地瓜球 - 地瓜球外皮煙煙韌韌，中間包住地瓜泥，真係好特別。九份芋圓(溫) - 九份芋圓有豆腐花、仙草同芋圓，少甜，食完炸嘢再食糖水，覺得好滿足。胚芽珍珠奶茶 - 珍珠夠煙韌彈牙，加上胚芽感覺更健康。餐廳食物高質，價錢大眾化，店員有禮殷勤，怪不得新開張已見人氣，下次同朋友食台灣菜，都會考慮再嚟呢度。