九份飽 (蜆殼街) (已搬遷) 新店位置

嗰日喺北角行街，唔知道有咩好食，見到呢間九份飽好多人，就入咗去食啦。裏面嘅裝修好有特色，佈置到好似台灣嘅街巷咁樣，好有風味。我帶咗我最鍾意食嘅滷肉飯。呢度嘅滷肉飯超級有誠意，豬肉多到就嚟滿寫，肥瘦啱啱好，好友油香。佢嘅滷肉汁亦都好好食，同啲飯夾埋一齊，成件事好完美。真係可以媲美台灣正宗嘅滷肉飯。食完正餐，當然要試吓甜品啦。我嗌左個芋圓仙草豆奶，估唔到咁好食。佢唔凍唔熱，啱晒而家嘅天氣食。啲芋圓好有咬口，仙草就好爽，加埋低糖嘅豆奶，夾嘅程度係100分。