老鍋台式火鍋 (京都廣場) (已結業)

朋友生日，知佢一向鍾意食麻辣火鍋，就上openrice search下，搵倒間左位於銅鑼灣嘅老鍋台式火鍋。地點真係好方便，銅鑼灣站C出口過對面已經到達😃。到步後，食店有提供搓水液比我地先搓手，然後再幫我地量體溫；食店裝修極有台式風味，地方好大，枱與枱之間起碼有1.5米隔距，卡位與卡位亦有好高嘅屏風阻隔，另疫情下食客真係食得好放心😃。自助調味醬料區好衛生乾淨👍🏻麻辣湯底黎到，朋友已經大讚個鐵鍋好正，好有懷舊風味，緊係要影張靚相打打卡😬。湯底已經開始慢慢番熱，材料係入邊不停滾動，麻辣嘅香味亦除即慢慢飄出👍🏻，湯底入邊好多香料同食材，有我朋友最鍾意嘅鴨血同凍豆腐。美國梅花豬肉片 - 片片厚薄同肥瘦適中均勻，入口好有口感，慢慢咀嚼後，肉嘅甘香就會跑出黎😄。鮮蝦丸好彈牙，蝦味十足。自家鮮做鮮蝦雲吞，粒粒都好飽滿，肥嘟嘟；薄薄一層雲吞皮，入口滑溜，入邊鮮蝦非常彈牙，好有口感。老鍋台灣麵，呢個真心推介，只要係鍋入邊推兩、三秒，入口麵質好滑，仲索晒啲麻辣湯汁，超正👍🏻。五彩鮮蔬盤 （金菇、鮮冬菇、南瓜🎃、油麥菜、唐生菜🥬、娃娃菜）種類好多，蔬菜好脆綠乾淨。杞子杭菊露，冰冰涼涼，清清甜甜又可以清熱降火😃