阿木台灣麵 (豉油街) (已搬遷) 新店位置

行過旺角突然想食台灣野，見到豉油街阿木台灣麵排哂隊，咁多人食應該唔會差得去邊，於是就排隊試試佢。紅燒牛肉牛筋面正宗台灣既咪道，牛肉味濃牛筋淋身，係久違既感覺。麻辣肉燥拌麵肉燥除左跟飯，原來喂麵都好夾，餐廳有自家麻辣醬放喺枱面，唔夠辣可以再加，鍾意食仲可以買走。炸花枝丸熱辣辣啱啱炸起，加上椒鹽更惹味。台式炸大腸大大碟皮脆，處理得好好冇內臟味，唔好多肥，亦唔會好油膩。黑糖珍珠鮮奶珍珠煮得好淋，加上黑糖鮮奶，甜度冰度可以自己選擇，非常貼心。芝士岩鹽奶蓋炭燒烏龍茶芝士奶蓋好濃厚好重芝士味，放喺烏龍茶上面咸咸地令到茶味更突出。