影片
更多
2019-05-05
24 浏览
🔎銅鑼灣駱克道491-499號京都廣場2樓「正宗台式火鍋」- 老鍋台式火鍋 (銅鑼灣)終於試到想食好耐嘅老鍋！有驚喜，又高質，店員仲好友善！💖膠原蛋白美人鍋 ($228)呢個湯底真係一絕。有杞子，南棗，金華火腿，桃膠，仲有重點係烏雞原隻上！淨係個湯底嘅料已經擺滿左成個鍋。一開始飲咗頭啖湯好清甜，再試埋啲湯料，烏雞好滑完全唔係鞋口😍一品花雕醉雞件 ($88)個花雕醉雞真係冇得輸，好明顯醃左一段時間，好入味，就算淥熟咗都依然好重花雕味，一定要叫黎試吓精選手切牛肩肉 ($198)個牛肉淥幾秒就放入口，入口即溶。好耐冇試過食咁高質嘅靚牛肉。唔知幾時開始覺得牛肉係一個邊爐嘅精髓，要食就要食靚嘅。佢嗰種雪花嘅均勻程度，同埋肉嘅鮮甜真係令人好難忘。最後仲encore多一次！餃類拼盤 ($98)自家包嘅水餃皮薄涵靚，叫拼盤就有晒四個唔同味道，唔使同朋友爭！梅菜豬肉丸及蝦丸 ($88)真係要讚下個蝦丸，我自己一向都好鍾意食蝦，佢個手打蝦丸好彈牙，而且完全唔會梅，要講好多次好好味好好味好好味！鮮炸響鈴 ($68)呢個又係要講好多次好好味嘅必點配料！上菜嘅時候我即刻咬咗一啖個響鈴，好鬆脆，完全唔覺得油膩。然
「正宗台式火鍋」- 老鍋台式火鍋 (銅鑼灣)
終於試到想食好耐嘅老鍋！有驚喜，又高質，店員仲好友善！💖
膠原蛋白美人鍋 ($228)
呢個湯底真係一絕。有杞子，南棗，金華火腿，桃膠，仲有重點係烏雞原隻上！淨係個湯底嘅料已經擺滿左成個鍋。一開始飲咗頭啖湯好清甜，再試埋啲湯料，烏雞好滑完全唔係鞋口😍
一品花雕醉雞件 ($88)
個花雕醉雞真係冇得輸，好明顯醃左一段時間，好入味，就算淥熟咗都依然好重花雕味，一定要叫黎試吓
精選手切牛肩肉 ($198)
個牛肉淥幾秒就放入口，入口即溶。好耐冇試過食咁高質嘅靚牛肉。唔知幾時開始覺得牛肉係一個邊爐嘅精髓，要食就要食靚嘅。佢嗰種雪花嘅均勻程度，同埋肉嘅鮮甜真係令人好難忘。最後仲encore多一次！
餃類拼盤 ($98)
自家包嘅水餃皮薄涵靚，叫拼盤就有晒四個唔同味道，唔使同朋友爭！
梅菜豬肉丸及蝦丸 ($88)
真係要讚下個蝦丸，我自己一向都好鍾意食蝦，佢個手打蝦丸好彈牙，而且完全唔會梅，要講好多次好好味好好味好好味！
鮮炸響鈴 ($68)
呢個又係要講好多次好好味嘅必點配料！上菜嘅時候我即刻咬咗一啖個響鈴，好鬆脆，完全唔覺得油膩。然後再放入個湯到幾秒鐘，響鈴夾埋本身嘅湯底真係冇得輸！
鹹蛋炸魚皮 ($68)
可能因為太鍾意食炸嘢嘅關係，而且有鹹蛋嘅嘢都唔想錯過，所以叫咗呢個鹹蛋炸魚皮。又係好鬆脆，鹹蛋唔會死咸，不過食多幾舊就覺得有啲油膩，但係同朋友share就啱啱好。
台灣水蓮 ($48)
未煮嘅時候形狀有啲似韭菜，但淥熟咗睇落就好似一條蔥，但食落就好爽口，感覺好特別，喺香港比較少搵到。
烏龍麵 ($48)
麵質好彈牙， 淥完唔會一pat嘢。不過略嫌太貴，如果真係唔飽先可以考慮叫個烏龍麵填飽個肚。
如果食厭咗其他台式火鍋嘅不妨嚟老鍋試下🤤呢度有好多好特別嘅選擇，亦都有台灣直送嘅原材料，冇時間飛一轉台灣嘅就可以快快趣喺度食個台式火鍋
🍽8.5/10
张贴
