百芳池上便當 (大河道) (已搬遷) 新店位置

今日去超市掃貨，順便依埋肚仔。估唔到而家去唔到台灣，喺香港都食到台灣便當，仲好好味。我哋叫咗台灣鹽酥雞便當同埋滷肉飯便當，兩款質素都好高，食到台灣味道！鹽酥雞新鮮炸出，外脆內軟，係正宗台灣鹽酥雞嘅味道，而且份量又夠多，必食推介！至於滷肉飯，本身以為會好肥膩，點知完全唔油膩感，滷肉好入味，切到細細粒，容易入口，同埋配菜菜甫同飯一齊食，超滿足！最鍾意佢呢度嘅便當每一個都有好多配菜，有雞蛋、粟米、菜甫、粉絲同蔬菜，可以做到均衡飲食。另外我哋仲叫咗小食炸花枝丸，$15/5粒，炸到金黃色熱辣辣，好新鮮好彈牙，咬落去仲食到細細粒嘅花枝，好足料！飲品我哋今次就揀咗芝士奶蓋紅莓果茶同埋洋甘菊金萱烏龍，前者酸酸甜甜好開胃，後者帶有烏龍茶香氣，最啱食完炸物後清下味蕾。