台北人 (已結業)

今日去咗朋友住喺黃埔嘅屋企作客，行過樓下見到呢一間台北人，即刻挑起我想食台式便當嘅意欲！餐廳主要做外賣，菜單都幾多選擇，便當嘅價錢經濟又實惠。今日叫咗一份台式滷肉便當，五花腩肉好入味又夠厚身，而且米飯都加入咗少少滷肉汁，好鬼香🤩加上咖喱粉絲，一個便當嘅份量都好飽肚。另外亦都加配左一份鹽酥雞作為小食，鹽酥雞嘅調味適中，份量亦都唔少，咬落去仲有少少雞汁爆出。飲品方面叫咗蜂蜜檸檬蘆薈，感覺都清新一啲，飲落去同預計嘅差唔多味道，清清甜甜，加入咗蘆薈令整杯飲品多咗一份咬口！餐廳裏面亦都有其他台灣嘅食品售賣，有興趣都可以購買㗎！