清原

营业中

休息中

之前經過呢間甜品舖，見到有好多姜濤嘅應援，雖然而家姜濤生日過咗冇晒應援，但係都嚟試吓啦。首先我就叫咗杯紫芋波波沙，入面嘅材料好多，我自己好欣賞佢嘅芋圓，因為口感好好，而且沙冰好適合夏天飲，雖然佢得一個甜度，但係飲落都唔會太甜朋友就叫咗呢個鮮奶紅茶無糖，我試咗一啖，因為無糖嘅關係所以冇乜味，朋友就覺得好解渴，而且奶味都幾充足。另外因為好口渴，所以仲叫咗杯烘焙烏龍，茶底感覺好濃，而且除咗茶味之外，仲有一種烘焙嘅味道，啱晒鍾意濃味茶嘅人。同朋友一齊夾份叫咗呢個雪藏宇治金時，佢係抹茶味嘅雪花冰，而且仲加咗啲芋圓，佢嘅抹茶味好濃郁，而且會圓嘅口感都好好，兩者加埋好夾。