小曼谷泰國美食 (南角道)

营业中

休息中

【九龍城泰國菜介紹🇹🇭】 食泰國菜我通常都會揀去九龍城, 選擇多, 而且夠晒正宗! 呢間之前食過堂食, 款款泰菜都好好食😋, 今次外賣拎返屋企同屋企人一齊分享~𓌈˒˒ 泰式拼盤款款小食都想試, 拼盤係不二之選! 我揀咗一份大拼盤, 有蝦餅、魚餅、春卷、雞棗。蝦餅外面香脆, 裡面啖啖蝦膠, 口感彈牙; 春卷脆口又不太油膩𓌈˒˒ 鹽燒東風螺以鹽燒方法烹調, 螺肉煙韌爽口, 夠新鮮, 粗鹽吊到海鮮原有嘅鮮味! 會附上泰式酸辣醬, 令螺嘅味道層次更豐富!𓌈˒˒ 小曼谷原隻芒果糯米飯去泰國一定會食芒果糯米飯🤤! 芒果果肉無渣, 鮮甜多汁, 配以軟綿綿嘅糯米飯及椰奶, 完美組合!