陳勤記鹵鵝飯店 (已結業)

同三個同事來吃午飯，全因為有人介紹呢度幾好食又抵食，果然唔錯！叫了鵝片併紅腸、蠔仔粥、沙爹牛肉炒菜心、菜圃煎蛋同兩舊牙帶魚。蠔仔粥大大窩真係幾多蠔仔，蠔身仲幾大粒幾鮮味，唔錯，值得推介。沙爹牛肉炒菜心味濃，用來送飯一流，幾油礦，但潮州菜就係咁。菜圃煎蛋偏向厚身，外皮煎得有d脆幾好食，下次會試試煎蠔餅。出名的鵝片反而因為幾凍而有d韌，新鮮整起會好食d。埋單每人三十幾蚊幾抵食。唯一係環境差d，但來得潮州巷就要預左。