正宗印度餐廳及酒吧 (電氣道)

营业中

休息中

今次去天后，諗唔到食乜。行吓行吓周圍搵就見到依間印度餐廳呢個門口有少少吸引就行咗入去。入到去估唔到全部都係正宗印度人開，餐廳裏便啲裝修都好友印度feel。我自己本身好鍾意飲佢哋嘅印度芒果奶昔，依間嘅奶昔係我飲得咁多間覺得幾好味嘅，佢又唔會太甜又都好重芒果味，誠意推介。我哋點完菜之後去送上免費嘅餐前小食，係啲脆餅嚟嘅，佢仲會送四個唔同嘅醬汁俾你點來食，甜味酸味辣味都可以俾你點嚟食。我自己就比較鍾意辣味嗰種醬，十分惹味。胡椒烤雞球，烤雞球用鐵板上，又有椰絲墊底，熱辣辣，味道香濃，雞味好重，又唔會太熱氣，吱埋啲檸檬汁重惹味。椰汁咖喱魚，咖喱唔會太辣，食唔到辣嘅朋友可以試吓呢一個，又有咖喱味但又唔會辣，仲好細心係個鍋底度有支蠟燭keep住個熱度，令到個魚唔會好快就凍哂，我自己就鍾意配薄餅，而薄餅都有好多口味揀，適合好多人士既口味，薄餅佢都會配四種唔同嘅醬料俾你去點嚟食。 食完最後店員推介我哋飲佢哋個印度奶茶，比我想像中好特別更加，同香港平時飲到嘅奶茶完全係兩種口味，值得一試。