呢間印度菜環境勁靚，好有情調，店員又好禮貌，全程用簡單英語溝通到。
一點完菜，店員隨即送上胡椒脆餅 Masala paped ，係免費嘅😍
，仲有三款醬汁送上，薄荷醬、甜醬同羅望子醬，我最鍾意配甜醬，甜甜地配胡椒味幾夾！
羅望子醬我就一般般，唔係好識欣賞，要鍾意食濃味大士就應該會鍾意多d
推介必叫Mango Lassi $58
同店員講不要另外加糖，佢答我一向都唔會加糖，芒果配酸奶🥛酸酸甜甜，係無得輸的配搭！而且無加冰，勁大杯芒果配酸奶，真材實料！
鐵板土窯灶燒春雞$128
上菜時炸炸聲，半隻印度燒春雞都好大份，切開左4件，好重香料味，雞已去皮，肉質都算嫩滑，唔錯！
Cheese Naan
芝士薄餅新鮮熱辣辣送上台，好香芝士味，好煙韌，有四舊咁多，夠晒飽肚，送咖喱食就應該最夾😋
