點都估唔到女朋友會帶我食素食印度餐廳
不過我有冇咩所謂嘅
因為我最鍾意食係嗰塊餅
呢間印度餐廳都叫做中價
午餐大概係$70到$100一個人到啦
多人啲可以share啲小食
由於太多選擇 所以叫咗個北印度套餐
你問我知唔知食緊啲咩
其實我都唔係好分到每一樣
但係必食推介就係嗰個乳酪
用嚟配中間個炒飯味道極好
個乳酪又有少少洋蔥好香口
撈埋啲炒飯會變得好清新
因為齋食啲炒飯其實有啲亁
個三樣咖喱都好好食
香料味唔會太重 又食早啲豆
仲有一兜入邊有芝士
嗰隻芝士有啲似雲南啲芝士
口感有啲似豆腐 慢慢咬下先會有芝士味出嚟
呢度啲薄餅好好味
我哋另外叫咗個椰菜絲薄餅
新鮮食嘅時候其實我唔係好食到椰菜絲
可能係其他食物味道太濃
但係我外賣咗塊當下午茶食
等餅凍哂嘅時候
係食到佢有啲蒜蓉椰絲嘅香味
煙煙銀銀 熱食凍食到好味
必食推薦係薯仔
勁香口 有小炒王嘅感覺
雖然都係油炸 但係味道真係好正
成間餐廳都好多外國人/印度人食
反而華人比較少
可能係喺尖沙咀做嘢嘅外國人比較識窿路
