咖哩葉

营业中

休息中

餐廳裡面的裝潢幾有特色，令人好似置身係彩色世界去品味印度嘅食物。印度菜都係首先有個前菜，今次係薄脆餅配上青咖哩，脆餅一如往常都係好脆卜卜，味道鹹鹹地，越食會越香，青咖哩醬就有種清新嘅感覺。同朋友叫咗羊肉烤餅，個餅皮幾有咬口，內餡嘅羊肉碎幾香，唔會有羊嘅騷味，有少少辣，啲香料味唔會太濃，剛剛好！另外叫咗咖哩角沙律，咖啡角碎撈咗乳酪同雲尼拿，仲有青咖哩醬，好啱鍾意重口味嘅你。我哋今次最愛的卡麗咖哩蝦，用咗蜂蜜檸檬嘅醬去烹煮嘅大蝦，咖哩味道非常濃郁，比平時嘅咖哩口味不同，加埋個印度蘑菇香米飯，撈埋啲咖哩醬真係好香濃！