CARAT Fine Indian and Mediterranean Cuisine (盈豐商業大廈)

营业中

休息中

今日专登去尖沙咀食印度美食，不过唔系去重庆大厦，去食咗到高级啲，一入到餐厅都见到好多外国人同印度人，翻开个Menu，我同老公每人拣咗个咖喱再配一个烤饼做晚饭。传统印度菠菜蓉咖喱鸡$138菠菜蓉融入咖喱酱汁，都好多，真系可以用嚟送饭，而我地就佐印度薄饼。每件鸡都好大件而且好滑，食落我觉得有啲辣，出奇地唔食得辣嘅老公完全冇事，仲话净系食啲菠菜蓉都好好味。果亚椰香咖喱大虾$168都好多只虾，虾肉爽口，食落有啲奶油同椰汁香，有啲果香味，个咖喱唔辣带甜，质地幼滑，不过除咗虾，就冇其他配菜，如果有少少配菜就好喇。皇室烤饼$52同平时食既印度烤饼有少少唔同，外脆内软腍，上面有啲一粒粒罂粟籽。我哋蘸唔同嘅咖喱食，好满足。印度Fine Dining呢度望落啲嘢食系比较细碟啲，我就啱啱够饱。呢度坐得好舒服，老公就话阵间约咗朋友饮嘢，会再食小食。