馬拉公公

营业中

休息中

雅都商場Food Court有好多嘢食揀，啱曬睇戲前後醫肚。夏天會特別想食南洋風味，今次食嘅馬拉公公好正宗，有咖哩飯、椰漿飯、咖央、海南雞、黑醬干撈麵，舖位細細選擇好多！要左一份檳城白咖哩雞絲摻摻 $46同檸檬薏米水 $10 🍜 先講湯底，白咖哩係椰奶喇沙，加埋蒜頭、乾蔥，微辣又惹味。摻摻麵底，油麵有咬口，米粉幼細索曬湯嘅精華。雞絲多又滑，唔肥唔柴，去埋雞皮都咁滑口有雞味✨ 配料仲有半隻蛋同掛滿湯汁嘅豆卜，芽菜生菜都夠爽脆，一口氣食到最尾，爽😋 食完有啲熱，飲杯檸檬薏米水，涼爽又健康。