京城 (已結業)

鰂魚涌海光街可謂食街，但係要喺海光街站得住腳一點也不容易，因為每隔一段時間，又會有一間新食店。在短短的午飯時間，可以吸引打工仔入去食午餐當然要有一定實力。京城餃子屬打工仔快，靚，正，經濟之選。一到午餐時間立即去搵位。五香牛展（小）$38滷得非常入味，牛展富肉香，不會一味死咸，咸度適中。牛展的厚薄剛剛好，有嚼勁。三鮮餃 （淨餃$60/10隻）樸實的北方餃子真係好吸引。餃子皮厚薄適中，餡料飽滿紮實。蝦仁肉質彈牙。京蔥羊肉餃 （淨餃$60/10隻）京蔥香氣配羊羶味，雖然唔係個個都鍾意，但我就覺得夠濃味。