四合院 (已結業)

同好友相聚食飯去食北京菜位於灣仔依間菜館細細 卻有古色古香既懷舊感覺老闆娘著住廚師服好友善招呼我地入座聽到佢既口音 相信佢係地道既北京人菜式種類亦幾多 當中有十三香乾鍋但我地無叫因為想食其他傳統既地道北京菜式我地叫左一款涼菜小食同三道菜上菜速度相當快 只係等左十至二十分鐘就上哂千層豬耳用平日食到既手拍青瓜既醬汁黎拌豬耳絲食落酸酸辣辣 豬耳絲口感煙韌有咬勁愈食愈開胃清炒萵筍絲一般食萵筍都係件上 同埋食火鍋先會叫估唔到切絲清炒一樣咁好味爽脆軟腍兩種口感齊全 有少少似薯仔絲清清地又唔會完全淡而無味酸菜燉白肉諗住咁既價錢 份量應該只有二至三人份量但一送上枱 份量驚人 足夠四至五人食用酸菜非常入味得黎唔會過份酸白肉片唔太肥又唔鞋口底層仲有寬粉 口感彈牙軟熟飲一口香濃酸菜湯 確實暖入心 值得推介宮保蝦仁用左切片青瓜伴碟 蝦仁食落爽嫩同花生一齊炒 花生愈食愈惹味脆口整體味道較淡 個人認為可以略鹹多少少相信味道更出色食完依四道餸菜 已經好夠飽叫返罐可樂飲下梳呼下先