正宗山西刀削麵皇

营业中

休息中

依間刀削麵我成日食，即使佢開咗分店質素都保持得幾好。今日就同個朋友再嚟食，叫咗兩個麻辣刀削麵，啲餸就一齊share食。麻辣豬軟骨依個真係必食如果你第一次嚟，我每次都一定會食呢一個。有成三大件咁多，而且鹵得好入味，軟骨一咬就爛，肉質甜美。麻辣豬熏蹄呢個餸幾特別，爽口，不過就冇咩味，要夾埋啲辣椒蒜蓉一齊食先好味。啲餸嘅份量都好多，食晒成個面都唔驚冇送淨。跟餐嘅話就$52 ，送豆漿同熱飲。唔跟餐嘅話就$47 ，冇嘢飲送。