上海弄堂菜肉餛飩 (已結業)

嗰日約咗朋友食飯，朋友想食上海野，所以決定去上海弄堂。餐廳位於灣仔天樂里地點非常方便。餐廳裝修高貴大方，座位舒適寬敞，環境闊落。餐牌有套餐及廚師推介，仲有大量正宗上海菜，同甜品。仲有數碼點餐非常方便。酸辣湯，濃稠度適中，鹹度與酸度跟辣味比例適中，十分開胃。排骨擔擔麵，炸排骨經過調味醃製後再炸, 香脆之餘有一份咸香，濃稠的湯底用料十足, 非常惹味，麵條煙韌彈牙。紅燒肉菜飯，五花腩鬆軟入味，百頁結吸滿肉汁原汁原味，再加上一碗香香的菜飯，完美。小籠包，上海的地道小吃，做得很有水準，皮薄餡靚，肉汁澎湃，味道濃稠。炸銀絲卷，外皮酥脆，內裡軟嫩，加上煉奶絕配。絕對係完美嘅一餐上海菜。