醉江南

营业中

休息中

由於我係北方人嘅關係，所以特別鍾意食水餃之類嘅食物，今日有朋友介紹我嚟太子呢間叫醉江南試下，果然名不虛傳。要喺香港搵到一間正宗嘅上海菜，已經好難㗎啦！呢一間真的算不錯！韭黃鱔糊、鎮江排骨當然係唔少得㗎喇！啲鱔糊好新鮮，而且味道煮得很好，很正宗。鎮江骨最值得讚，好耐未食過最傳統嘅味道啦！酸、甜味調較得啱啱好，超開胃！另外仲叫咗雪菜黃魚湯，老闆果然落本，用兩條黃魚烹調一煲湯，所以超級鮮味。最後當然唔少得我最愛嘅煎餃子啦！滿足嘅一餐，值得推介！