祥興記上海生煎包 (花園街) (已結業)

第N次食祥興記生煎包，真係無得輸，上海人都話正！重點係佢地既生煎包係真真正正由生包開始煎出來，而非先蒸熟後煎，所以能夠做到外皮脆，內裡鎖住大量湯汁，肉質更是非常爽口。今次叫左兩隻招牌生煎包同兩隻黑松露生煎包，一次過滿足哂食兩個口味既願望。每隻都好多湯！啲湯仲係熱辣辣。食既時候先在包頂咬個細細的洞，好似飲湯咁啜啲湯出來，啲湯好濃好惹味啊！豬肉大大舊，食落有咬口。個皮燶燶地，煎到好脆口，正！招牌生煎包－ 原汁原味，要體會下正宗上海特色生煎包就必試。黑松露生煎包－ 驚喜濃濃黑松露香味，同豬肉味道好夾。