影片
更多
2020-01-10
59 浏览
今日收工嘅時候經過黃大仙，想搵一間泰國菜食，本來可以揀去九龍城，嗰度有唔少泰國野，但上OpenRice查完之後，發覺呢度有一間亞萊泰，網上有唔少正評，加上有唔少優惠菜式。門口顯示佢個香芒盛宴Promotion，就更加吸引我去試。佢而家做緊唔少優惠，例如特定飲品買一送一，明爐烏頭又做緊98蚊條，仲有好多款唔同嘅菜式都有特價，想食蟹嘅可以試吓佢個咖喱炒蟹。我由前菜開始慢慢叫。前菜，我選擇左泰國一道非常Spicy嘅木瓜沙律，佢呢個嘅木瓜沙律唔係用一般嘅碗碟來裝住，而係用半隻嘅原隻木瓜，盛載住切好咗嘅木瓜絲，加上秘製嘅酸辣汁，非常辣但係又非常開胃，誠意又十足。配上椰青，冰凍椰青可以同時解辣，這前菜我非常滿意。之後嚟嘅係冬陰功湯，這冬陰公湯，跟其他店舖的，大同小異，唯一嘅感覺係，飲完之後唔會有一種好頸渴嘅感覺。之後嚟到主菜，我叫咗一味辣椒膏炒蜆，呢一道菜咁賣相非常之好，蜆肉大大粒，配上辣椒膏，各種配料混合埋一齊炒得非常香，每一粒蜆肉浸過啲辣汁之後，都非常入味。再來嘅係一碟香芒青咖喱雞，佢呢一個咖喱係同明爐一齊上，一路保持住熱辣辣嘅溫度，再加上芒果配搭青咖喱，係Fusion呀，酸甜配上辣，好開心，
佢而家做緊唔少優惠，例如特定飲品買一送一，明爐烏頭又做緊98蚊條，仲有好多款唔同嘅菜式都有特價，想食蟹嘅可以試吓佢個咖喱炒蟹。
我由前菜開始慢慢叫。前菜，我選擇左泰國一道非常Spicy嘅木瓜沙律，佢呢個嘅木瓜沙律唔係用一般嘅碗碟來裝住，而係用半隻嘅原隻木瓜，盛載住切好咗嘅木瓜絲，加上秘製嘅酸辣汁，非常辣但係又非常開胃，誠意又十足。配上椰青，冰凍椰青可以同時解辣，這前菜我非常滿意。
之後嚟嘅係冬陰功湯，這冬陰公湯，跟其他店舖的，大同小異，唯一嘅感覺係，飲完之後唔會有一種好頸渴嘅感覺。
之後嚟到主菜，我叫咗一味辣椒膏炒蜆，呢一道菜咁賣相非常之好，蜆肉大大粒，配上辣椒膏，各種配料混合埋一齊炒得非常香，每一粒蜆肉浸過啲辣汁之後，都非常入味。
再來嘅係一碟香芒青咖喱雞，佢呢一個咖喱係同明爐一齊上，一路保持住熱辣辣嘅溫度，再加上芒果配搭青咖喱，係Fusion呀，酸甜配上辣，好開心，雞肉亦都非常之嫩滑，一啲都唔鞋口，配上白飯同埋蒜蓉包，Good!
臨走之前叫咗杯珍多冰，珍多冰買一送一，兩個人一人一杯，剛剛好。☺️
张贴
